Hey, it’s Sen Yui and I’m back for our weekly Otome Game Review!
Last week ay ginawa natin ang Part 2 review ng Prince of Tennis NDS game na Motto Gakuensai no Oujisama o The Prince of The School Festival. Pinag-usapan natin ang mga bishounen ng St. Rudolph at Hotei Gakuen habang sa Part 1 naman ang Seigaku at Yamabuki tennis club members. Ngayong linggo, ipapakilala ko sa inyo ang ating mga tennis players mula sa Fudomine at Rokkaku Junior High. I know, I promised last week na tatlong teams ang magiging topic natin. The problem is, hindi kinaya ng powers ng lola n'yo na tapusin ang routes ng 3 natitirang teams sa loob lamang ng isang linggo (lol). So, gomenasai! Sa ating 3rd part Otome Game review, mayroon tayong 3 players mula sa Fudomine Junior High, 3 from Rokkaku Junior High at isang visitor mula sa Shitenhoji Junior High. So we got 7 bishounens for this week. I think sapat na iyan for our weekly eye candies, right? Right?!
THE PRINCES OF THE SCHOOL FESTIVAL
Tachibana Kippei – 3rd year tennis club captain ng Fudomine Junior High. Katulad ni Shishido-san ng Hyotei Gakuen, may big brother aura din siya. Ma-iinlove agad ang Fudomine festival committee member na si Heroine-chan sa kanya ngunit lagi gumagawa ng excuse si Tachibana-san na little sis lang ang tingin niya sa ating bida. Napapagamit siya ng ibang dialect pag nagugulat dahil sa surprise love attack ni Heroine-chan (lol).
Kamio Akira – 2nd year member ng Fudomine tennis club. Kung napanood niyo ang anime ng Prince of Tennis, medyo mabobored kayo sa route nya dahil walang ibang bagong detalye ukol sa kanya. Ganun pa rin ang characteristics niya. Walang nakakagulat or interesting na mga ganap (lol). Nakakasawa din ang favorite “rhythm” phrases niya. Gomen.
Ibu Shinji – 2nd year tennis club member ng Fudomine Junior High. Alam naman natin na gloomy siya sa anime pero nakakaloka din talaga ang pagiging super gloomy niya kapag siya ang niromansa mo (lol). Kahit anong topic, lagi siyang may nasasabing nega. Kailangan may mahabang pasensya ang ating heroine para makuha loob ni Ibu-kun (lol). Pero kahit gloomy siya, interesting pa rin naman ang mga convo niya with Heroine-chan. Nakakatawa yung 13th stair scene kung saan pinagtripan ni Ibu-kun ang ating bida (hahaha).
Chitose Senri – 3rd year regular tennis club member ng Shitenhoji Junior High. Katulad ng ibang regulars ng Shitenhoji na naging bisita sa ibang school (Kin-chan sa Seigaku at Shiraishi sa Yamabuki), napunta naman si Chitose-san sa Fudomine Junior High para sa School Festival kung saan nakilala niya ang ating bida na isang Fudomine student at festival committee member. Medyo may pagka loner si Chitose-san kaya imbes na makipagbonding sa iba ay mas type niya maglakad-lakad mag-isa. Kaya para mapalapit sa kanya, naging busybody o nosy ang ating heroine sa kanyang route. Nakakatawa ang convo ni Chitose-san habang kausap si Tezuka-senpai ng Seigaku tungkol sa imouto (little sister) ni Chitose-san na si Miyuki-chan (lol).
Saeki Kojirou – 3rd year tennis club member ng Rokkaku Junior High. Saeki-san is a very likable bishounen. Kaya di kataka-takang madaming girls ang nagcoconfess sa kanya. Mabait siya at attentive. Nahulog agad ang loob ni Heroine-chan sa kanya. At nangngingiting tagumpay na lamang si Saeki-san sa tuwing nagiging obvious ang feelings ng ating bida sa kanya (lol). Isang nakakalokang trivia sa kanya ay kaya niyang makita ang isang resto habang umaandar ang roller coaster (wtf).
Amane Hikaru – 2nd year member ng Rokkaku tennis club. Mahilig magjoke pero corny naman kaya palagi nasasaktan ni Kurobane-san. Dahil palagi niyang sinisingitan ng jokes mga convo niya, mahirap na tukuyin kung ang mga trivia o facts na sinasabi niya ay totoo or joke lang (lol). Although lame ang jokes niya, napaka-effective pa rin nito sa ating heroine at laging napapatawa ni Amane-san. I guess mahilig sa lame jokes si Heroine-chan (hahaha).
Kurobane Harukaze – 3rd year tennis club member ng Rokkaku Junior High. Napakabayolente niya pagdating kay Amane-san. Dahil sa violent habit niya kapag nagjojoke ang kanyang kouhai (underclassman) club member, muntik na niyang masaktan ang ating mapagbirong Heroine-chan (lol). Yes, joker ang ating bida sa kanyang route. At kahit asar na asar si Kurobane-san sa joker Amane-san, tuwang-tuwa naman siya kapag si Heroine-chan ang nagka-crack ng jokes. Pakialamero din siya sa lovelife ni Amane-san at pinoprovoke ito para matuklasan ang sariling feelings (lol).
SEN YUI’S THOUGHTS.
May napansin ako sa dalawang teams sa larong ito. Ang Fudomine Tennis club members ay laging may pusa ang plot sa routes nila. Sa mga napanood na ang anime ng Prince of Tennis, maaalala niyong naaksidente ang Fudomine members dahil sa pusa habang papunta sila sa kanilang laban. Masasabi kong konektado ang grupo nila sa pusa dahil hanggang sa School Festival ay may cat trouble pa ring naganap sa plot nila (lol). Samantala, ang napansin ko naman sa Rokkaku Junior High Tennis Club members ay ang pagiging super close nila. Laging present at nakasupport ang isa o dalawang members nila sa lovelife ng bawat isa. Nariyang lagi nila tinutukso ang ka-club member kapag kasama ang girlfriend/heroine. Kahit mga wirdo ang grupo ng Rokkaku, na-appreciate ko ang closeness nila sa isa’t-isa. Isa pang napansin ko ay medyo strikto si Atobe-sama sa team Rokkaku. Di siya kasing caring at supportive katulad ng sa ibang teams. Bias ka, Atobe-sama! (lol)
Hanggang dito na lang muna tayo sa part 3 ng Otome Game review ko ng Motto Gakuensai no Oujisama. Next week po, abangan niyo ang ating last part, starring the Rikkaidai o Rikkai Daigaku Fuzoku Chuu (Rikkai University-Affiliated Middle School). Mayroon tayong hidden character dun kaya sulit pa rin kahit sila ang panghuli. Maraming bishounen sa Rikkai Uni na excited akong romansahin. Nariyan ang striktong si Sanada-san, ang masakiting si Yukimura-san na siyang hidden character ng laro, ang bayolenteng si Kirihara at ang wirdong si Niou. Different flavors of bishounen, di ba? Kaya abangan niyo po sila sa susunod na sabado!
Till, next time my fellow Otome Gamers. Sayonara!
-Sen Yui
Comments